NYEMBER NANGE KALENG JEMBATAN SEMANGGI

Tutir ta ka kirim ling pak Muis Debe, salah satu anggota BGESA/laong Pantar pang Fb
Dirita salah sopo personel grup ade cukup intens menulis pang Pantar

TA NYA TUTIR DIRI

Ada mo koa tau basingin Bolang, gras maras benar bgesa, tapi nda jangka celo alias bola kapasir, ya juluk Bolang Lasap leng tau desa, ya singkat BL (maklum, ya tero insial calon Bup/ Gub/ Pres, lema na tersinggung)

BL ta roa benar bilen desa lalo ngiung. Biasa 6 bulan jangka se-ten nan po ada ramalik. Lamen ada mole BL, rame mo tau batompok sanenge tuter pang alang ronda.
Sopo ano bgesa mo BL soal pengalaman gamang kasuda. Ramai tau ode loka bru ramenong.

Sopo Tau     : Me ka jangka paling do sia lalo merantau, ka kadu si a gita Senggigi ke?

BL                : Apa Lombok ade sajempang nan, aku kaleng satoe ana Irian
                       jangka Malaysia boe mo ku rik. Mara leng tau,
                       lelas sarea dunia ta boe mo kulayar.

Tau Len       : Kadu sia lako Kuala Lumpur pang Malaysia...?.

BL                : Lamen pang ana aku yang mara raja, apa no si sdi kusaboe uang.
                       Tau Len: Lamen Batam ka?

BL                : Apa dean, nan pang ku ngesar meme...

Poko sarea katokal boe mo ya tuter roa leng BL. Medan, Dumai, Yogya, Denpasar jangka Timika, sarea pang bakedek BL dean. Tau remenong boe mo nganga luk rea panyadu.

Kareng ada sopo sponsor TKI ade roa mole lalo Jakarta, nurit bakatoan.
Sponsor       : Tapi kuda nda sia span Jakarta, bleh. Apa nongka kadu sia ngesar pang ana ke?.

BL                : Lamen Jakarta ba no mo manta tu karante,
                       apa kaleng ku taruna campa kamo ku ngalek pang ana.

Sponsor       : ka sia lalo ko Ancol?

BL                : Apa ancol nan, let ke tampar, sama si saliper Ate.

Sponsor        : Lamen monas, sia tengan ntek jangka bao?

BL                 : apa ade kutakit, dikin merang tu ntek puin bua pang taggal 17 Agustus nan.
Sponsor        : Ao, lamen Jembatan Semanggi ka kena temak mahasiswa demo nan, ka sia gita?

BL                : heh... kau sate mu sagaok aku, ba nan lako kulalo mancing saruntung rawi na...
                       tres lamin kamengkak ne, ku sles lamung,
                       Ba kunyember mo nange lako bawa ana....

Sponsor        : .......?????? Kuha kuha kuha (dalam ate), no mo to leng bleng, luk kapuli benar
                        bola nde Bolang Lasap nan.... ya sempina ada brang pang bawa Jembatan Semanggi ana... kuha kuha kuha.. Asli Lasap.....